Ora nos haya nos mes den un etapa di cambio di peso bruto, nos cuero ta resenti y e temerario estrianan ta haci su aparicion riba nos cuero. Normalmente, nos tin algun zona mas propenso den sufri e marcanan antiestetico aki manera cu e ta na nos pia, pechonan, barica y atras.
Pa suerte, den actualidad nos ta conta cu diferente remedinan casero rapido, simpel y barata cu ta hopi efectivo y ta haci esakinan disparce di manera exitoso.
Nos por diferencia dos tipo di estria, di un banda, nos ta haya esunnan cu ta estrianan cora y di otro banda, e estrianan blanco. E diferencia entre un y e otro ta, cu esunnan cora ta den fase di aparicion, es decir, nan ta nobo.
Esakinan ta cora pasobra nan ta den un periodo di inflamacion y aunke nan ta hopi comun den hende muhenan na estado, nan ta esunnan cu miho resultado por haya di dje ora nos ta purba di laga nan disparce, di cual nos ta recomenda e siguiente remedinan aki:
Sucu: Trankilo, bo no mester come sucu, solamente nos ta bay uza esakinan pa realisa un massage exfoliante. Pa esey, na luga di ta dentro di e baño y bo tin e cuero muha, nos ta pasa coy un man di sucu y nos ta bay freg’e riba e zona, haciendo un massage profundo riba e partinan di curpa caminda cu e estrianan ta abunda. Esey lo yuda na activa y mehora e circulacion y por tanto, nos lo elimina asina e estrianan cu nos tin na e zona.
Batata: Esaki ta un di e remedinan casero mas efectivo contra estria. Pa esey, nos ta bay uza e juice di e batata cu tin algun propiedad cu ta yuda promove e regeneracion di e cuero y e crecemento y e regeneracion di e celnan. Nos ta corta un batata na wielnan fini, nos ta aplica esakinan na e zona afecta y nos ta freganan durante algun minuut. Nos tin cu tene na cuenta cu e juice cu ta sali di e batata ta impregna bon den e zona afecta pa e estrianan, cual nos ta laga actua rond di dies minuut. Una bes cu e juice seca y a actua den e estrianan, nos ta hawa esaki cu awa lauw. Di lo contrario, ora cu ta trata di estrianan blanco, nos ta referi na esunnan cu ya a cicatrisa y ta hopi mas dificil di elimina, pero ainda asina ta existi remedinan casero cu por yuda nos acelera su desaparicion of por lo menos disimula nan.
Aloe Vera: Aloe vera ta un mata natural cu tin propiedadnan medicinal manera antiinflamatorio y ta yuda nos cu e regeneracion di e cuero. Pa esey nos ta corta u blachi di aloe vera di forma transversal, lagando e juice cu ta den e blachinan sali y nos ta bay aplik’e na e zona afecta. Un aspecto cu tin cu tene na cuenta ta cu si nos mantene aloe vera den frigidaire ora di aplik’e na e cuero, e friu por yuda nos mehora cu e circulacion y por tanto e proceso por mehora di manera considerabel.
Cacao butter: Cacao tin hopi propiedad cu nos no conoce manera por ehempel di ta un antiinflamatorio of cicatrisante, di loke ta convirti’e den un gran aliado na ora di elimina e estrianan. E manteca di cacao ta consisti di un grasa natural di e cacao cu nos lo aplica na e zona afecta durante mas of menos dies minuut cu un frecuencia di dos biaha pa dia. E remedi aki ta bastante efectivo y despues di un luna aplicando esaki, nos por mira resultadonan hopi satisfactorio.
Lo miho pa elimina e estrianan ta purba pa nan no aparece, pasobra loke nos por recomenda, adicional, ta pa hiba un alimentacion saludabel, rica den fruta y berdura y hiba un estilo di bida camind cu actividad fisico ta hopi presente, ya cu asina nos ta evita e subida y bahada di peso excesivo cu ta provoca e aparicion di estria.
Fuente: La Patilla