Kralendijk Boneiro: Aki ta sigui relatonan policial di Boneiro riba diferente caso.
Ladronisia di plachi di number di skuter
Riba djamars promé di novèmber a drenta keho di ladronisia di un plachi di number di un skuter. E skuter tabata stashoná na un establesimentu di sali situá na Kaya Boneiru. E ladronisia a tuma lugá entre djaluna 31 di òktober pa mas o ménos 10.30 or di anochi i djamars promé di novèmber pa mas o ménos 1.30 or di mardugá.
Detenshonnan
Riba djaweps 3 di novèmber a gara i detené dos hòmber di inisialnan N.C.F. i H.E.V. en konekshon ku kiebro/ladronisia. Riba e mesun dia a detené tambe un hòmber di inisialnan S.L.P en konekshon ku maltrato.
Aksidente riba Bulevar Gobernador Nicolaas Debrot
Riba djárason 2 di novèmber un aksidente entre dos outo a tuma lugá. Outo 1 ku tabata bayendo den direkshon di Playa a kuminsá slep dor di e kaminda ku ta slep, i a pèrdè kontrol. Konsekuensia tabata ku ela bai dal den outo 2 ku tabata biniendo for di direkshon kontrali. Dor di e impakto dje choke outo un a bòltu i bai resultá riba su banda drechi. Shofùrnan di ámbos outo tabata keha di doló na garganta i lomba. Shofùr di out number 2 a wòrdu trata na e sitio mes dor di personal di ambulans pero a transportáshofùr di e outo ku a bòltu ku ambulans pa hospital pa tratamentu médiko.
Kiebro den apartamentunan na Bulevar E.E.G.
Riba djaweps 3 di novèmber a drenta keho di kiebro den dos apartamentusituá na Bulevar E.E.G. A bai ku entre otro un GoPro, un tas di man ku kontenido i un lèptòp. Tambe a bai ku un outo di marka Suzuki, modèlVitara, numerá B-8961. Mas lat a haña e tas den kura i a topa ku e outo den mondi den besindario di Nieuw Amsterdam. E outo tabata intakto, solamente e bateria no tabatei. Ta investigando e kaso.