Instituto Biba Saludabel y Activo, IBiSA ta informa cu Team di Salud t’ey riba caminda pa duna su servicio na comunidad riba dia 14, 15, 16 y 17 di mei 2018 esaki den conexion cu “ Dia Mundial di Presion Halto” cu ta dia 17 di mei 2018.
Dialuna dia 14 di mei e Team di Salud lo ta na Sportcentrum San Nicolas (IBiSA SN)
Diamars dia 15 di mei na MFA Savaneta
Diaranzon dia 16 di mei na MFA Paradera
Diahuebs dia 17 di mei na MFA Noord
E orario di servicio di Bus di Salud pa publico ta for di 9’or di mainta pa 3’or di atardi, pa cual IBiSA ta invita pueblo di Aruba en general pa acudi na Team di Salud pa haci un chekeo di nan salud. E check up ta encera control di sucu, presion y peso. Tur chekeo ta completamente GRATIS. Unico rekisito ta e carchi di AZV (valido)
IBiSA ta sigui traha pa conscientisa e pueblo di Aruba riba e importancia y cuido di nos salud, alabes ta promove pa cada ciudadano hiba un estilo di bida mas saludabel, pa keda activo y haci movecion. Probecha di e oportunidad y acudi trempan pa por haya e servicio.