Reino Hulandes ta recorda esunnan cu a fayece durante di dos guera mundial

0
Rey Willem Alexander y Reina Maxima ta pone un krans na e Nationaal Monument ariba de Dam.

AMSTERDAM- Awe, 4 di mei ta dia cu Reino Hulandes ta conmemora tur esunnan cu a fayece den di dos guera mundial. E conmemoracion nacional a tuma luga riba Dam na Amsterdam, caminda cu S.A.R. Rey Willem Alexander, Reina Maxima y prome minister Mark Rutte lo atende. Aruba su minister plenipotenciario Guilfred Besaril tambe lo ta presente, mescos cu e ministernan plenipotenciario di Corsou Eunice Eisden y di St Maarten Hasani Ellis. Lo tin discurso y despues a tene 2 minuut di silencio. E conmemoracion a finalisa cu 50 mucha di scolnan na Friesland y Amsterdam ta haci un ofrenda floral.
Prome cu esey tabata tin un misa solem na Nieuwe Kerk. Eynan escritor Daan Heerma van Vos lo tene e lectura di 4 di mei. Mainta presidente di Eerste y Tweede Kamer a pone un krans na nomber di miembronan di Parlamento.
E prome dodenherdenking a tuma luga dia 9 di mei 1945. E tempo ey a recorda e victimanan Hulandes di e di Dos Guera Mundial. E aña siguiente esaki a tuma luga dia 4 di mei, cual ta fecha di conmemoracion te awe. Desde 1961 ta recorda tambe tur esunnan cu a perde nan bida durante otro conflictonan militar y operacionnan di paz.

Comments

comments