DEN HAAG – Lider di CDA Sybrand Buma, a bisa awe tardi cu e ta haya cu tur hende cu tin un paspoort dubbel, incluyendo reina Maxima, mester entrega e otro paspoort. E prome politiconan cu a reacciona, ta mira cu tin obhecion.
Lider di VVD, Mark Rutte, a reacciona na RTL Z. “Laga nos laga e cas real pafo di campaña,” el a bisa prome. El a continua: “Paisnan tambe mester ta dispuesto pa duna bek bo nacionalidad. Un Hulandes cu un antecedente Marocano, no por kita di e nacionalidad Marocano. Esey ta conta tambe pa Argentina. E ta asina.”
Soluciona problema
Jeroen Dijsselbloem (PvdA) a papia riba Twitter riba un “blunder” di Sybrand Buma. “Ley Argentino no ta permiti esaki y ki problema Buma tin pensa di soluciona?”
Alexander Pechtold di D66 a mira e humor den esaki y a indica riba Twitter. “Reina Maxima awe nochi a bisa Willem-Alexander: “Si nos no por splica esaki mas na nos yiunan…” #dubbelpaspoort.”
Fuente: RTL Nieuws