DEN HAAG, Hulanda – Mas di 700 voluntario a cuminsa pa haci registronan di esclabonan Surinameño publico diaranson. E digitalisacion di esaki mester duna un miho bista riba e pasado di sclabitud di Surinam, segun Radbout Universiteit a bisa diamars, un di e iniciadornan di e proyecto.
Den e registro tin mas of menos 80 mil persona registra, entre 1830 y e abolicion di sclabitud na 1863 cu tabata biba na Suriname den sclabitud.
Doñonan di esclavo mester a registra hendenan cu nan tabata tin den nan posesion. Ta bay riba fechanan di nacimento, nomber di e mama, ponemento di liertad of benta, mescla y otro informacionnan cu tabata importante pa e balor di hendenan den sclabitud.
“Hopi hende ta hopi entusiasta riba nan historia familiar y pa yuda haci e pasado mas cla,” segun lider di e proyecto Coen van Galen di Radbout Universiteit. E trabao di e boluntarionan ta wordo controla pa e studiantenan di historia, a base di e fuentenan original den e archivo na Paramaribo.
E database lo bira publico na Juli otro aña. E proyecto ta un cooperacion Hulandes-Surinameño entre otro di Radboud Universiteit y Anton de Kom Universiteit di Suriname.
Fuente: www.anp.nl