Regimen di Maduro ta detene diputado opositor como responsabel di atentado

0
RBC Juli 2018
Funmiles-2018

CARACAS, Venezuela- E diputado Venezolano di Asamblea Nacional Juan Requesens a wordo deteni door di funcionarionan di e Servicio di Inteligencia di Estado (SEBIN). Esaki tabata despues cu e presidente Venezolano, Nicolas Maduro, a señala Requesens como “un di esunnan responsabel” di e atentado cu el a sufri diasabra.
E partido opositor Primero Justicia a denuncia atraves di Twitter e “secuestro” di e parlamentario cu ta forma parti di su organisacion y cu a wordo deteni den e parti west di Caracas pa “14 funcionario” y door di “wordo golpia”
E organisacion politico a publica un video di un camara di siguridad unda cu por wak e diputado hunto cu su ruman muhe Rafaela Requesens, cu ta presidente di e Federacion di Centronan di Studiantenan di Universidad Central di Venezuela, ora cu nan tabata wordo hiba pa funcionarionan di SEBIN.

Esakinan un rato despues a modifica e posicion di e camara di siguridad cu tabata filmandonan pa asina evita di wordo graba ora cu nan tabata hiba e parlamentario contra su boluntad.
Mientras cu esaki tabata tumando luga, Maduro tabata dunando detayenan di e investigacion di e atentado di cual, supuestsamente, e tabata victima durante un acto militar diasabra, unda e tabata bisa cu algun inval tabata tumando luga pa captura e otro grupo.

Maduro a menciona cu Requesens, kende el a señala como “un di esunnan di mas loco y psicopata” a wordo “señala pa un di e autornan material”di e atake den su contra.

Comments

comments

C: Heineken
new india
dvg