San Nicolas Business Association pa seis aña caba, ta batiendo na porta di gobierno, pa un reforma fiscal y awo Camara di Comercio tambe. Awo mas cu nunca cu e 6% di BBO lo bin na vigor. Sr. Ernst Mohammed ta splica mas di esaki.
Esaki e ta poni riba e compliance di belasting, caminda cu por his’e te cu 10 of 15%, pero tanto bal si bo no cobre. Di e manera aki ta castiga esunnan cu ta paga siendo cu tin hopi hende cu no ta cumpli cu belasting y eseynan toch no ta wordo afecta
Lo cual tin cu haci pa reforma e belasting ta cobre na grens, anto e ora ta cobre un solo biaha y tur hende ta obliga di paga. Di prome, e ta complica, di dos cu ta casi imposibel pa follow up riba dje. Number tres, si cobra e placa aki riba caya ta sigur cu e caha di gobierno ta bay drecha un tiki mas.
Camara di Comercio lo sigui bringa pa e reforma fiscal bin. nan lo keda follow up ariba dje. Na final di dia, den e plannan di Camara di Comercio, nan ta spera cu proximo aña por tin algo mas concreto riba e idea aki y e mensaje ta si gobierno kier haciele fair, mester cobra na grens. Mester bisa francamente cu e sistema actual no ta traha, siendo cu un par di aña pasa a bin cu un sistema asina aki y e la bay perdi.
Camara di Comercio lo bay papia cu e directora di SIA un biaha mas, pa wak tambe con Camara di Comercio por asisti den esaki, pasobra e ta un reto grandi y cu por ta e no ta bay sucede awor aki. Pero tanten por cuminsa tuma algun accion pa cuminsa haal in e saldo cu ta ey for. Te asina leu, Sr. Ernst Mohammed, di Camara di Comercio.