Daphne Agius Cesareo-Lejuez ta elabora riba e desaroyo di reforma fiscal.
Sra. Cesareo-Lejuez ta splica cu tabatin diferente proposicion pa reforma fiscal. Tabatin e temporada di vermijnd, dus e ABB, pero esey a wordo re-evalua. Aworaki nan ta bezig cu un otro sistema cu proximamente nan lo haya presentacion di dje cu ta pa reforma fiscal pa cuminsamento di otro aña. E dos y mey porciento tabata algo temporal. Nan sa cu e ta bay bira un belasting indirecto, aunke ainda nan no sa den ki forma exacto ni kico ta e compensacionnan por ehempel pa kita cierto otro belasting y pone esaki. Nan ta den espera pa wak cua ta e miho formula. Loke sra. Cesareo-Lejuez ta asegura ta cu e reforma lo bini y e intencion ta pa por duna alivio na comunidad pa amplia e poder di compra, pero tambe pa alivia e comerciantenan vooral esunnan chikito y mediano pa nan por sigui funciona, mirando cu nan ta e pilar di Aruba su economia y sigui contribui y crea cupo di trabou.
Sra. Cesareo-Lejuez ta enfatisa cu como miembro di Parlamento su tarea ta defini unda e por haci pregunta of manda sugerencia y pidi pa zondeo en caso cu ta necesario. Tambe como presidente di varios comision, e ta bezig ta reuniendo cu diferente stakeholders y departamentonan pa por compronde mas miho e problematica p’asina aki tambe por haci pregunta y sugerencianan al caso na Gobierno.