Sra. Trudy Hassel a tuma nota di e problematica treci dilanti, di parti di e gruponan di derechonan di bestia. Sra. Hassel ta amplia mas.
E problematica aki ta uno “terecht”. Aki ta caminda cu mester para keto cu tin 5 gruponan di interes. E prome cu Sra. Hassell a menciona, ta e publico y tur esunnan cu ta cuida bestia na cas. Banda di esey tin e NGO-nan, cu tambe ta preocupa, manera ARA (Animal Rights Aruba). Tin diferente organisacionnan cu pa añanan largo ta haciendo un tremendo trabao, pero den cierto partinan nan mannan ta mara. Esaki ta na e parti financiero.
E di tres organisacion cu ta forma of cu tin interes den esaki ta Veterinaire Dienst, cu tambe a wordo acerca durante e protesta na “kill cage”. Tin e polisnan cu ta e polisnan, cu ta actornan den e problematica aki, cu mester para na su dilanti pa e bienestar di bestianan y pa ultimo tin e bevoegde gezag cu lo tin responsabilidad a base di e Honden Verordering, entre otro, y tur esaki hunto cu Minister di Volksgezondheid pero tambe Minister di Husticia, nan tur tin mester traha den conhunto pa haya resultadonan positivo. E fundacionnan aki tur ta para pa tur cos bay bon, asina Sra. Hassell a expresa.
Den e caso di e kill cage cu lo tin un caida considerabel, a constata cu en berdad tin problemanan actualmente, y a haya informacion cu a wordo preocupa e autoridadnan, pero e fundacion aki te na cierto momento nan man ta mara pa falta di recurso anto financieramente, nos ta papiando di haci eutanasia riba mas di cuater of cinco mil cacho cu pushi pa aña, y e medicamento y tratamento cu nan tin mester, ta depende di placa y financiamiento.
Riba e problematica aki, Sra. Trudy a splica cu door di gebrek aan middelen, placa y hende tambe e proceso no ta bayendo manera mester e ta. Por bay dos caminda: ta sigui trahando manera awor aki sin recurso, of stop e proceso aki te ora cu plan cu Criojojo Trappers ta trahando ariba dje, wordo aproba door di begoevgde gezag, door di e ministernan pa asina por cuminsa traha riba e problematica aki di un manera mas profesional, segun Sra. Trudy Hassel, di Plataforma Ley di Cacho, a finalisa bisando.