Dia 12 di april a tuma luga un caso den corte, caminda cu Sr. Michael Raymond a hiba nos di Masnoticia corte, tocante e preocupacionnan di trahadonan di Serlimar. E caso a wordo gana door di Sr. Michael Raymond y hues, mr. M. Schoemaker a dicta cu Masnoticia mester rectifica, cu cual nos ta cumpli.
Den e edicion di Masnoticia di dia 1 maart 2018, a sali riba nos website y ariba nos pagina di Facebook un relato yama “Grupo di trahadonan preocupa di Serlimar ta cuestiona iregularidadnan den e compania”. Den e articulo aki a wordo menciona na punto nr. 4 cu manager grandi di Serlimar, esta Michael Raymond, ta esun cu tawata tin e contract anterior di laba truck, via otro persona pa un bunita suma di 7 mil florin pa luna. Masnoticia no tin prueba pa substancia cu esaki ta berdad. Pa medio di esaki Masnoticia ta rectifica e declaracion y insinuacionnan eroneo na Sr. Michael Raymond, manager di Serlimar.