Manera Arubus a bin ta avisa caba desde 1 july 2017 ultimo, nos smartcard nan categoria Standard, esun color blau, lo ta caducando pa ser exacto dia 31 October 2017 proximo. Un biaha mas nos lo renoba esaki nan pa 3 aña, pero e diferencia e biaha aki ta cu lo caduca 3 aña despues di e fecha cu ta renoba aworaki y no manera den pasado caminda tur ta caduca mesun momento.
Nos ta mira cu ainda nos sistema ta indica cu falta varios hende cu no a pasa renoba esaki ainda y pa e motibo ey nos kier a enfatisa pa e fecha menciona, esta 31 october 2017, no yega y cu consecuencia cu mester paga cash na momento di subi bus. Nos kier recorda tur hende cu usando e smartcard standard e tarifa acostumbra ta Awg 3,- pa trip y cash esaki ta Awg 4.50
Manera nos a bin ta anuncia cu solamente e Smartcard Standard biew mester presenta na balie di Arubus Sabana Blanco, mas Awg 15,- y e renobacion lo tuma lugar den corto tempo. Si tin saldo ainda riba e caarchi biew esaki lo wordo traspasa mesora riba e Smartcard standard nobo, caminda niun hende lo perde placa riba e biew. E renobacion lo tuma luga, di dialuna pa diabierna durante ora di oficina cual ta di 8or di mainta non stop te cu 3:30 pm.
Nos kier remarca cu ainda e fila nan no ta largo y e renobacion ta bai hopi lihe pero Arubus no por garantiza esaki si laga na ultimo ora caminda e fila nan lo aumenta y trece cun’e cu lo tarda mas di lo normal.
Un biaha mas Arubus kier a recorda tur hende pa probecha e dianan aki cu falta ainda pa pasa y renoba bo smartcard standard promer cu e fecha di 31 october 2017.