Grupo di oracion The Voice of Jesus ta invita tur mucha, mayor, fiel y devoto pa participa na e continuacion di e nobena na honor di Divino Niño di nos Tur, cual a cuminsa for di dia 14 di December y lo caba dia 23 di December. Tur anochi for di 7’or y mey, e nobena lo cuminsa di cual tur mucha por participa hunto cu nan mayornan. Tambe ta recorda tur si tin un of otro comestibles, paña, of cualkier producto of mercancia den bon condicion pa trece esey durante e anochinan di e nobena pa asina por yuda tur esnan cu mas tin mester pa pasa un bon dia di fiesta. Bini un, bini tur sin falta pa e dianan di e nobena cu ta resta pa asina honra nos Divino Niño Hesus. E nobena aki ta tuma luga riba e tereno bendiciona di Koyari.