IOWA CITY, Merca- Un baby di 18 dia bieuw a fayece diamars, un paar di dia despues di a wordo infecta cu un virus mortal, duna door di un persona cu Herpes.
Nicole Sifrit a haci e anuncio tristo aki riba Facebook, bisando: “Nos princess Mariana Reese Sifrit a haya su halanan di angel pa 8.41 di awe mainta den brasanan di su papi y su mami tambe banda di dje”.
E baby a nace dia 1 di Juli. Dia 7 di Juli, Nicole a casa cu Shane. Despues di dos hora nan mester a laga e recepcion y a hiba e baby cu urgencia hospital. E la pega cu un virus mortal via un sunchi.
E pareha a conta cu Mariana a wordo infecta cu meningitis HSV-1, cual ta wordo causa door di e virus di herpes, responsabel tambe pa verkoud.
Ambos mayor nan testnan a sali negativo, pa cual ta asumi cu un invitado na e fiesta lo a pega e criatura cu e virus.
Den un paar di hora su organonan a cuminsa faya pero e criatura a bringa te na ultimo ora, te ora cu su organonan vital a stop di funciona.
Dokternan ta avisa cu babynan recien naci no mag di tin contact cu niun hende, cu excepcion di esunnan cu ta cuid’e y cu semper e mannan mester wordo laba prome cu mishi cu e baby.
Un pagina ariba Gofundme a wordo traha pa yuda e famia paga e gastonan.
Fuente: http://www.fox10phoenix.com