COPA MUNDIAL RUSIA 2018
Fanaticonan di paisnan manera Colombia, Brazil, Peru y Argentina a probecha e barera di idioma pa somete na varios fanatico cu no sa, pa ripiti mensahenan denigrante.
Un fanatico Colombiano a yega cerca di dos mucha muhe Japones y a pidinan pa ripiti palabranan denigrante na Spaño. Otro fanatico Peruano a haci mescos cu’n hoben Ruso y e joke aki ta wordo ripiti incluso pa grupo di fanaticonan di Mexico, Brazil y Argentina den cayanan di Rusia durante e mundial.
E escenario a causa indignacion riba rednan social y a wordo condena tambe tanto pa personalidadnan di deporte y farandula pa e mesun gobierno di e paisnan aki, cu a rechasa di manera total e comportamento aki y a sigura di cu esaki no ta representa e balor di nan fanaticonan.
E ministerio di Exterior di Colombia a pronuncia su mes despues di e indignacion cu e caso di e Colombiano cu e Japonesnan, cu ta urgi nan pa bisa cu nan ta “p***”.
“Ta increibel pa wak con nan ta maltrata un muhe probechando di e barera di idioma”, segun e canciller a publica ariba Twitter.
https://youtu.be/VS0kKVQZKrU