Rebendedornan di catochi mester ta mas transparente

0

Minister Alex Schwengle ta wak cu e ideanan y wega nobo di lotto pa deporte ta hopi positivo. Esaki ta un bon idea pa sigui haya fondo pa deporte. E ta amplia.

Minister ta duna palabra di pabien na director Sr. Distefano Wernet y su ekipo, como tambe cu CBN, pa e cooperacion, cual no tabata facil pero a logra yega na un miho convenio pa cual e ta hopi mas contento pa e deal cu tin ariba mesa. E producto aki lo trece mas entrada pa Lotto y mas entrada pa deporte. Un punto hopi importante ta e Landsverordering Kansspeling cu ta na Staten caba, como manehadonan y gobernantenan di e pais, tin e poder den nan man, pa cambia e Landsverordering ey di tal manera cu tur hende lo paga nan fair share, catoochi y lotto, pa deporte. Si nos perde e oportunidad ey, lo bo mester puntra bo mes ki sorto di gobernante Aruba tin.

Den e Landsverordering tin e posibilidad y a haci e research internacional y tin un board cu ta controla e tur e instancianna grandi di loteria di diferente paisnan y bo ta wka cu tur e loterianan cu tin di haber cu Good Cost ta duna 35% di nan totale omzet pa un bon causa, deporte of algo otro. Y aworaki Lotto mes, tur e omzet 20% ta bay pa deporte. Si esey ta haalbaar pa Lotto, esey ta haalbaar pa catoochi tambe, segun e Minister di Deporte, Sr. Alex Schwengle. Awo si catoochi bisa cu 20% no ta haalbaar, nan lo mester habri nan bukinan. E ley no a wordo trata, pavia di e discusion di e omzet. Nan no ta bin cu cifranan sin haci un estudio debido. E average cu tin den mundo internacional tin den mundo internacional ta bay na Good Cost. Aruba su mercado ta chikito y 20% ta haalbaar. Nos a wak e cifranan, nan a bay te Canada, unda CBN a habri tur nan bukinan.

Minister Alex Schwengle a splica cu bendedornan di catoochi lo por bende otro Lotto tambe, pero solamente esunnan hancra den ley. Aki na Aruba ta un Lotto tin, cual ta Lotto pa Deporte. Pero ta haya hende ta bende otro tipo di Lotto tambe, cual ta ilegal y esey ta competencia pa Lotto pa Deporte. E mundo di catoochi a topa cu Minister di Finansas y ta cosnan cu ta wordo reuni over di esaki. Minister di Deporte no a sinta cu e bendedornan di catoochi, ya cu nan no ta habri nan buki y tanten cu nan no haci esey e Minister no ta sinta cu niun hende di catoochi.