MIAMI, Florida – Juanita Castro, un di e ruman muhenan di e fayecido Fidel Castro y exilia na Miami (Merca), a bisa diasabra cu e ta lamenta morto di e lider di e Revolucion, pero cu e no bay Cuba pa e actonan di entiero, segun medionan local a publica.
“Nos tabata separa pa rasonnan politico pa hopi aña, pero e sentimento y e lasonan familiar a wordo manteni cu hopi dolor di mi parti, pero mi ta lamenta morto di un famia cercano, ta normal,” Juanita Castro a bisa.
El a sigura cu e ta sinti e mesun tristesa tempo cu rumannan Ramon y Angelita, pero cu e no tin plan di acudi na e isla pa e ceremonianan di entiero di Fidel Castro, kende a muri diabierna.
“51 aña pasa cu mi a yega na e exilio aki na Miami manera tur Cubano cu sali pa haya un espacio unda pa lucha pa e libertad di su pais,” Castro a sigura.
E exiliado, kende a manifesta cu e noticia a rebiba e heridnan di pasado, a bisa cu e no por regociha cu morto di ningun ser humano, mucho menos cu hende di su famia.
“Durante decadanan mi a enfrenta e sistema vigente na Cuba y tambe na esnan den exilio inhustamente no a pordona cu mi fam tabata Castro Ruz y a atacami despiadadamente,” el a agrega.
Juanita Castro, kende a apoya su ruman homber den e Revolucion contra Fulgencio Batista, a bisa cu “Mi sa cu pa e exilio ta un gran celebracion, esey ta un problema di conciencia, ami ta lamenta e morto di mi ruman homber,” el a agrega.
“Esey ta mi situacion tristo, pero uno ta siña di golpi y uno ta sigui padilanti y nos ta acepta e destino di cada persona,” el a indica ora cu el a detaya hunto cu fidel a fayece e tres rumannan mayor. E tata di Fidel Casto, Angel Castro, tabata tin otro seis yiu cu Lina Ruz, Juanita, Angelita, Emma, Augustina, Raul y Ramon y dos cu su prome casa, Maria Luisa Argota, Lidia y Pedro Emilio.
Fuente: NTN24