KIEV, Ucrania- Real Madrid ta conkista e titulo di Campeon di Europa pa di diestres biaha consecutivo. El a gana Liverpool 3-1 na Kiev cu golnan di e Frances Karim Benzema y un doblete di e Gales Gareth Bale.
E comite di observadornan tecnico di UEFA pa e final di Champions League a eligi e Gales Gareth Bale como miho hungado di e partido.
Despues di e historico partido aki, e Frances Zinedine Zidane, tecnico di Real Madrid, ta bira un leyenda ora el a logra di ta e prome tecnico cu ta logra gana tres edicion sigui di e EuroCup- Champions League.
Entre e momentonan epico di e partido ta haya e salida di Mohamed Salah di Liverpool na di 28 minuut, pa un lesion na su schouder. Y tambe di e lateral Dominicano Dani Carvajal na e di 37 minuut, despues di mal caida durante un pusha.
Den e di dos parti e Frances Karim Benzema a marca e prome gol di e partido despues di un fayo di Loris Karius y tres minuut despues un gol di Sadio Mane ta empata e partido.
E Gales Gareth Bale, cu a drenta na di 61 minuut, a realisa dos gol cu a duna e ekipo Spaño e victora pa di tres biaha sigui e titulo di Champions League.