BARCELONA, Spaña – Real Madrid a empata 1-1 in extremis cu Barcelona diasabra den Camp Nou den e clasico den e di 14 hornada di e Liga Spaño, consolidando su liderato y manteniendo e bentaha di seis punto riba e ekipo catalan.
Un remate di cabes di Luis Suarez tras un sake di falta di Neymar (53) a habri e marcador, pero den e ultimo minuut, Sergio Ramos a duna un cabesaso riba e rednan Barcelonista pa ekilibra (90) e encuentro.
E partido a acelera den e di dos parti tras un prome tempo sin penas historia, unda cu ambos ekipo ta parce mas pendiente di no comete eror cu pa controla e wega.
Den e prome 45 minuutnan, den un wega sin doño, e blanconan parce di a yega mas na e porteria defendi pa Marc Andre Ter Stegen, probechando specialmente e velocidad di e bandanan di Marcelo y Lucas Vazquez.
E azulgrananan, en cambio, a mustra di ta impreciso, abusando di e ocasionnan di e pasenan largo.
E mayor solidez defensivo di Real Madrid a impedi cu e azulgrananan or a inkieta hopi Keylor Navas den e prome parti, pero tras di e pauze tur cos a cambia.
Neymar a saca un falta desde links poniendo un balon den e area unda cu Luis Suarez a aparece pa bati Keylor Navas (53).
Tanto a sirbi pa duna trankilidad y desatasca uno hasta cu e momento tabata demasiado cera pa Barcelona, cu tabata busca un victoria riba su campo pa kita e mal sensacionnan tras tres empate consecutivo contando e competencianan hunto.
E azulgrananan a recupera su wega di toke rapido, poniendo asina e bala den e porteria di navas, cu den e di 67 tabata mira con Neymar a recorta den e area y solamente dilanti e portero a manda e bala den nubia.
E blanconan a preta den e ultimo minuutnan, ora cu e gol a yega di Ramor pa remata un sake di falta for di links (90)
Fuente: NTN24