Soldatnan Tricolor lo ranca sali diasabra pa 8or di anochi den Centro Deportivo Guillermo Prospero Trinidad vs Nacional. RCA cu a termina campeonato regular na prome luga, tawatin un anja cu hopi reto. Apesar cu varios hungadonan estelar a retira y otronan a bai continua nan estudio den exterior, e hobennan tricolor a sa di saca cara na momentonan crucial y gana weganan importante. E staf a conoce un otro lider den persona di Juan Valdez, pero e coachnan cu pa añanan largo a duna RCA hopi exito no a djis hala un banda. Joy Rosa, Veron Albertsz y Glen Sambo ta contribuyendo engrande na e ekipo. Sin lubida Icho Matos y Danny Kelly. Direktiva kier invita un y tur di San Nicolas te Westpunt pa hunto yega stadion y apoya nos ekipo cu tin un solo meta; retene e titulo gana na 2015 y 2016. Pa bo shirt/dry-fit Tricolor of esun Corra tuma contacto cu Yazmira via app na 6620202. Tambe directiva ta invita e fanaticada completo pa asisti y apoya tur nos otro divisionnan den playoff, dames, junioren, U17, U15, U13 y seccion infantil completo. RCA un Famia cu un Meta!!!