Diadomingo atardi e Soldatnan Tricolor a bolbe den accion despues di dos siman. Un ekipo hoben pero cu hopi hamber a subi tereno pa defende e bandera Tricolor. Nada menos cu e “Young Warriors” Diqion Ras y Lang Trenidad a score tempran pa RCA “Big Wheel Lottery powered by Powerade” tuma bentaha 2-0. Pero e atraccion principal tabata “El Astro” Erik Santos cu un hattrick, e gran talento local cu ta bek den oncena tricolor y den gran forma. Maurice Escalona tambe a score y cu un autogol di La Fama RCA ta anota 7 gol contra un penalti di La Fama. Diadomingo awor pa 8or di anochi ta e “Gran Clash” entre e Lider di Campeonato Britannia y e Campeon di Aruba cu ta na di dos lugar cu un diferencia di tres punto. Directiva di RCA ta invita un y tur pa saca bo bandera, jersey y pechi tricolor yega stadion Centro Deportivo Guillermo Prospero Trinidad pa apoya nos ekipo cu ta den un tremendo racha ganador y goleador cu nada menos di 14 gol den apenas tres wega. (potretnan obsekio Futbol Aruba)