RCA ta derota Britannia 2- 0

0

Ekipo Tricolor ta bek na su nivel di custumber y ta derota Britannia 2-0. Erik Santos ta habri marcado den prome tempo ariba un bunita cruse di Jeanluc Bergen. Den di dos tempo RCA tawatin un cantidad di oportunidad pero ta e hoben prospecto Diqion Ras ta anota riba un asistencia di Glembert Croes otro hoben cu hopi talento, ya den final di partido. Un observacion interesante ta cu 8 hungado di 11 cu a start e wega a lanta y pasa den e sistema infantil y hubenil di RCA. Esaki ta duna hopi satisfaccihon na e organisashon cu ta traha duro pa nos hobennan. Tambe mayoria di e cambionan cu a drenta wega pa reforsa ta hobennan di farm-system. RCA “BIG WHEEL LOTTERY powered by POWERADE” awor ta acumula 21 punto y tin proximo Estrella como contricante. Considera den futbol di Aruba como un “BATTALLA di GIGANTE” Soldatnan di Solito vs Naranhada di St Cruz diasabra awo 8:30 den CDGPT. Yega pa apoya nos Soldatnan Tricolor cu ta trahando duro pa sigui haci su fanaticada orguyoso. Na halft time lo bolbe rifa un di e bunita jerseynan Tricolor. Danki na e cantidad di fanaticada cu ta bin pa coopera y apoya nos legendario y exitoso organisacion Sport Veregining Racing Club Aruba. Danki na Futbol Aruba pa e potret. #RCApaBida

 

Comments

comments