E ekipo Tricolor cu tin e historia di mas exitoso den futbol local, sigur desde 2008 tambe ta e ekipo cu mas exito ultimo 10 aña. Cinco titulo Campeonil y dos final perdi.
E campeonato aki a opta pa pone e Maestro di tur Maestro na Timon, esta Joseph “Joy” Rosa. RCA a hiba un preparacion fisico di bon caliber bou guia di e experto local Andy Gomes. RCA ta conta cu un staff completo cu di masahista Icho Matos te Lider ekipo Danny Kelly tin masha experencia. Directiva a prepara pa e prome wega cu articulonan special pa anima.
Directiva ta invita un y tur specialmente fanaticada di RCA pa ban yena stadion Guillermo Prospero Trinidad diabierna awo pa 8or di anochi. Bo entrada ta bandi panort pega cu e gym. Na e prome 50 fanatico cu paga nan entrada lo tin un regaldo. Corda cu e placa di entrada di e porta Tricolor ta pa bo ekipo preferi. #RCApaBida