Un biaha mas e organisacion Tricolor di Solito ta organisacion na Aruba cu mas exito durante e temporada. Dialuna awo pa 8or den CDGPT, RCA su ekipo di junioren patrocina pa “Welcome Back Snack” lo enfrente e naranhada hubenil di St Cruz den e ultimo wega y gran final. E prome encuentro RCA a vence 4-1 y den e di dos encuentro Estrella a gana 1-0.
Dialuna awo “Young Soldiers” di Solito lo ta por la goma pa trece otro Copa mas cas. Den e otro divisionnan hubenil tambe e seccion di U17 a clasifica pa playoff como #1 faltando ainda un wega di campeonato regular. Division U15 tambe tawatin un aña solido y ta fuerte den play off. Pa locual ta seccion Infantil, U-5 RCA uno a termina nr 1 y RCA dos a caba nr 4 ambos den playoff. U7 liga oro RCA uno a sali nr 1 y U7 liga plata RCA dos a sali nr 3. U11 liga plata RCA uno a sali nr 1. U13 liga oro RCA uno a sali nr 1 y U13 liga plata RCA a sali nr 4.
Pa locual ta division Dames ekipo di Solito tin 3 punto den dos encuentro y diasabra awor pa 6or den CDGPT lo hunga nan di tres wega di playoff vs Estudiantes y lo ta e “pre-game” di e posibel ultimo “Gran Clasico” pa temporada RCA “Big Wheel Lottery powered by Powerade” vs Dakota pa 8or. Diasabra e ambiente lo start trempan y pa es motibo RED WHITE BLUE NATION ta invita for di 6or te 10 or di anochi pa disfruta di e double header Tricolor.