Campeon di Aruba despues di a gana Campeon di St Maarten a sigui den su preparacion pa locual ta campeonato regular. Diabierna awor pa 8or di anochi den Centro Deportivo Guillermo Prosperidad Trinidad lo tin e apertura campeonato cu e Gran Clasico local of conoci tambe como e Super Clasico. Tricolores di Solito cu despues di tabatin un Campeonato 2015-2016 perfecto ganando tur Copa local y internacional, a pasa den un off season unda a restructura, bin cambio den Staf Tecnico y a reforsa cu cuater hungado pa cubri e perdida di ocho hungado cu entre otro a bay studia den exterior y/of retira. E bon conoci Maurice Escalona ta bek na cas, Jaython Odor kende tambe a pasa den Lifida RCA tambe ta bek na cas, talentoso Brayen Wiersma a join e soldanan di Solito y portero Raizel Jansen tambe a bolbe cas. Diabierna awor e ekipo aki cu manera semper su forsa ta e seccion hubenil di RCA lo drenta Dakota cu hopi animo pa enfrente e fuerte ekipo Amarillo cu tabata un sensacion den e playoff ultimo. Directiva di RCA ta invita un y tur pero particularmente e fanaticada tricolor pa yega stadion pa anima nos Soldanan Tricolor.