Despues cu IMF tabata di bishita na Aruba e rapport ta sali na cla pa pa cual aki Prome minister mike eman ta splica kiko a sali afo di e raport pa loke ta e reto financiero economico den cifranan.
Minister Presidente a bisa di ta sumamento contento cu e rapport aki, y despues di a pasa den temponan di Crisisi, IMF ta duna su punto di bista riba e situacion financiero, macro- economico di pais Aruba, y tambe di durabilidad y tur ta positivo pa Aruba.
Segun IMF Aruba a sali di un tempo di recesion economico y ta premira cu hunto cu tur e cifranan actual un crecemento economico pa 2017 y pa e añanan nos dilanti.
Na di dos, IMF ta remarca un caida drastico di e deficit di pais Aruba. Compara cu 2014, ta mira cu gobierno a reduci substancialmente e deficit y hasta ta papia di un surplus den e siguiente dos añanan y esey ta algo cu gobierno ta orguyso di dje.
Na di tres luga, IMF a constata tambe algo cu durante e ultimo tempo, a hinca hopi temp[o y energia den dje, ela cuminsa den e prome periodo di gobernacion cu ta e reformanan grandi di AOV, APFA y AZV. E tresnan aki tabata tin e drenahe substancial ariba e finansas publico ariba e presupuesto di Aruba.
Segun Mike Eman e por testigua cu e bishita a tuma luga cu un team technico di IMF, pa prome biaha den tur e biahanan cu nan a experencia IMF, tabata tin un bista hopi interesa den e reformanan haci. Tabata tin atencion pa e resultadonan di e reformanan cu gobierno a haci. Tambe un bista di e desaroyo economico y su crecemento, algo cu semper den e institutonan aki, ta un tema cu no ta haya e mesun atencion. Hopi biaha e institutonan aki, ta papia solamente di e presupuesto, di deficit, di debe. Pero no ta duna mes hopi atencion na e temanan macro- economico. Y awe IMF ta papia hopi di temanan macro economico. Y nan ta papia tambe di sostenibilidad.
Gobierno a haci reformanan fiscal cu ta haci cu e debe di pais Aruba cu ta halto ainda, IMF ta mira esaki pero nan ta relat’e na e periodo di crisis cu Aruba a pasa aden.