ENTERTAINMENT
FLORIDA, Merca- E rapper Mericano XXXTentation, cu a bira popular riba e plataformanan digital, dialuna a muri ora cu el a sali for di un luga di bende brommer na Florida. E noticia aki a wordo confirma pa autoridadnan local.
E hecho a tuma luga den e ciudad di Deerfield Beach ubica na un 60 km noord di Miamia, ora cu desconocinan cu tabata mobilisando nan mes den un truck a tira contra di e cantante den loke ta parce di tabata un robo, segun e Oficina di Comisario di e Condado Broward (BSO na Ingles).
“E victima ta Jahseh Onfroy (nomber berdadero di e cantante) di 20 aña”, e oficina a afirma den un comunicado den cual el a detaya cu e rapper a wordo declara morto den un hospital cercano na unda el a wordo traslada.
XXXTentacion tabata tin huisarrest pa un caso di violencia domestico y manipulacion di testigonan, entre otro delitonan. El a wordo permiti pa sali pa haci un gira musical.
E rapper, cu tabata wordo considera un di e promesanan di e genero, a logra e aña aki cu su di dos disco titula “?” na prome luga di e lista di Merca y Canada. Su debut album “17”, tabata e di dos na Norteamerica y Reino Uni na 2017.
Fuente: https://www.yahoo.com