BOGOTA, Colombia – Hues 79 di garantia a acoge e solicitud di detencion preventivo cu Ministerio Publico a solicita contra di Rafael Uribe Noguera pa e feminicidio di Yuliana Andres Samboni y a mande prizon La Modelo di Bogota.
Dentro di e argumentonan di Ministerio Publico, a bisa cu Rafael Uribe ta peligroso pa sociedad, un menasa pa e famianan di e victima y tambe por obstrui e proceso.
Di su parti, Rafael Uribe a declara su mes inocente di e cargonan den su contra di secuestro, acceso carnaval violento, tortura y feminicidio serio.
E audiencia a cuminsa despues di 7’or di anochi cu e legalisacion di e razzia, caminda di Ministerio Publico a relata e hechonan cu a desencadena den e rapto, abuso y posterior asesinato di e mucha muhe.
Traslado
Mey mey di un fuerte schema di siguridad, Rafael Uribe Noguera a wordo traslada na Clinica Navarra, unda cu e ta permanece hospitalisa pa problemanan cardiaco, na e husgado di Paloquemao, unda cu decenas di persona ta sper’e pa manifesta nan repudio pa loke ta e crimen aki.
Tambe na salida di Clinica Navarra, e manifestantenan cu a keda na entrada di e centro di asistencia, a purba di agridi’e mandando obheto riba dje y gritando insulto, caminda cu bao di proteccion di polis y Esmad, e por a subi auto pa e wordo traslada.
Yuliana Andrea Samboni a wordo haya sin bida diadomingo den un residencia nort di Bogota, unda cu Rafael Uribe lo a hib’e despues di a rapt’e dilanti su cas den e bario Bosque Calderon.
Autoridadnan ta investiga e caso paso pa paso, pasobra segun e mesun fiscal general di nacion, Nestor Humberto Martinez, e escena di crimen a wordo altera pa tercera persona.
Fuente: RCN Noticias