E tenista Spaño, a vence e Bulgaro Grigor Dimitrov 6-3 5-7 7-6 (7-5) 6-7 (4-7) 6-4, den casi cinco ora di partido, pa asina sigui pa e final di e Open di Australia y completa e cuarteto mas exitoso den historia di tennis.
E ta esun di mas edad tambe.
Esaki ta e di dos biaha desde Wimbledon 2008 cu amantenan di tennis lo por wak e cuatro tenistanan mas grandi den accion.
E final femenino lo wordo hunga diasabra den un duelo di e rumannan Williams, Serena y Venus.
E mas grandi tin 36 aña, mientras cu Serena tin35. Entre nan dos nan ta suma 29 titulo den e cuater torneo grandinan di e calendario.
Despues, diadomingo lo ta e turno pa e final soña entre e tenista mas ganado di tur tempo, e Suizo, Roger Federer y su presidia di mas grandi riba cancha, Rafael Nadal.
Federer, di 35 aña, a conkista 17 titulo, mientras e tenista Spaño, cinco aña mas jong cun’e, tin 14 torneo grandi riba su nomber.
Esaki ta prome biaha den historia cu e cuater finalistanan ta supera 30 aña di edad.