VENEZUELA – Si mira bon, ta berdad cu den e ultimo decada a percibi un repunte importante di cancer. Tambe profesionalnan di salud ta miho prepara pa combati’e y tecnologia avansa pa enfrent’e y a somet’e cu firmesa.
Cifranan di e Ministerio di Salud ta sostene cu na Venezuela, anualmente ta fayece mas di 24 mil pashent di cancer. 51% ta hende homber y e resto, ta hende muhe. Ta e di dos causa di morto den e pais, ainda ora cu a insisti den educacion di e poblacion pa nan realisa saminacion den forma tempran y por obtene miho resultado den su tratamentonan.
Guiseppe Figurelli y Luisa Suarez ta dokternan radioterapeuta. Ambos ta considera cu tratamentonan di cancer a evoluciona positivamente propiciando na e pashentnan un miho calidad di bida, cu menos efectonan toxico y mayor asertividad na ora di aplica e procedimento. “Pero pa e resultado ta esun spera, tin cu profundisa den e campañanan di prevencion, cu e fin cu e personanan check cu mas frecuencia y por detecta esaki na tempo,” nan ta bisa.
10 pa 12 aña pasa, tabata uza e tratamento di radioterapia den 2D. Actualmente e procedimentonan computarisa ta realisa esaki den 3D, cual ta anexa tecnicanan manera IMRT, cu ta un radioterapia di intensidad modula, uza pa cierto patologianan manera cancer di prostaat, tumornan celebral, ginecologo y reiradiacionnan. E radioterapia moderno ta basa den imagen y su aplicacion ta consisti den iradia e tumor den forma mas sigur, evitando pa yega na e areanan cu no ta afecta.
Anteriormente, tabata aplica e tratamento den 2D, cu tabata consisti den localisa e area di e tumor riba e cuero y Xray. Actualmente ta haci un planificacion di e camponan di tratamento cu ta inclui e organonan sano y basa den e curva di e histograma, ta evalua e volumennan c por wordo acepta dentro di e campo di tratamento cu e dosis adecua pa e tumor y e “organonan sano,” nan a splica.
Suarez a admiti cu e evolucion di radioterapia tabata importante. “E cambio ta drastico pasobra cu e procedimentonan nobo, pashentnan cada dia tin menos efectonan colateral, ta tolera miho su tratamento y ta optimalisa su calidad di bida.”
Fuente: El Universal