Un total di 21 radio emisora di Aruba (tur) a firma un rato pasa cu Buma Stemra na Hulanda pa asina paga tur autor di musica nan derecho. E contract a wordo firma pa Aldrich Croes di Aruba Broadcasting Association cu Casper Keller di Buma Stemra, den representacion di tur e radionan na Aruba. Sr. Keller di Buma Stemra, ta contento cu e firmamento y ta spera cu e lista lo crece.
E acuerdo a keda concretisa despues di diferente reunionnan cu a tuma luga uno tras di otro, den e ultimo simannan. A logra yega na un acuerdo cu Buma Stemra pa asina e derechonan cu radionan tin cu paga, na nivel local y internacional lo wordo paga door di e radionan. E acuerdo cu Bumra Stemra lo ta e solucion y uno mas economico pa nos isla.
Pa Aruba y ABC ta un stap hopi grandi. Ta spera cu den futuro lo por traha hunto.
CRITERIA
Buma Stemra ta cobra na dos manera. Uno basa riba e entrada di e radio, y tambe riba e cantidad di habitante cu tin riba e isla. Esaki ta mas bien pa sigura cu e forma di pago, ta mas rasonabel, y no ta kibra e emisoranan. Esaki ta evita cu e cobransa ta demasiado pa e emisoranan, y cu e cobranza inicial sugeri pa SOCAN, lo tabata mucho hopi y tabata menasa e existencia di algun radio na Aruba.
Asina tambe ta sigura e sobrevivencia di e radio -emisoranan di Aruba.