Sr. Elwin Groenevelt, ta comparti tocante e metanan cu Qredits tin pa Aruba y con nan por yuda un persona haci nan soño realidad.
Qredit ta haci bo soñonan realidad. Soño di un empresario cu kier expande, pero tambe pa esun cu kier bira empresario y tambe pa e trahadonan y pa su mes. Tempo cu a cuminsa cu Qredit ocho aña pasa, na Hulanda, e ni por a pensa nunca cu al momento ya caba nan a duna 10 mil prestamo na Hulanda. Aworaki nan ta presente ariba casi tur e islanan di Caribe Hulandes, otro aña nan lo habri un oficina na Corsou.
Sr. Groeneveld a sigui bisa, cu nunca e no por a pensa cu nan lo por a crece asina lihe na Aruba. E ultimo lunanan 20 persona for di diferente pais den Europa a pasa na Qredit, pa tin un bista di con Qredit ta funciona, e microfinaciamento ariba un manera moderno awendia.
Na 2006 Groeneveld a cuminsa door di duna un prestamo na un empresario cu no por a haya un financiamento na un banco. El a dicidi e ora cu e lo yuda e empresario aki. Actualmente e sa cu ta moeilijk pa duna un lening, door di e ta risiconan cu esaki ta trece cun’e, pero tambe door di e hecho cu un banco no tin tempo pa duna guia na un empresario cu recien ta cuminsando. P’esey Qredits t’ey, door di haci’e nos mes.
Cu e ayudo di e Ministerio di Asuntonan Economico y tambe Reina cu ta activo den e mundo di microfinanciamento. Qredits no ta un competencia pa e banco, nan ta traha hopi en conhunto y nan ta crea cliente pa e banconan. Cada empresario cu nan yuda, a lo largo lo ta un bon cliente di e banco. Esaki ta e manera con Qredits ta funciona, Sr. Groenevelt a sigui bisa.
Qredits a crece na Hulanda, ya caba nan a duna mas di 10 mil credito. Esaki ta door di e personanan pasiona, cu kier ta un empresario. Qredits kier yuda tur esun cu kier bira un empresario na Aruba, door di duna nan e guia y coaching pa ta exitoso.
Nan no ta duna placa asina no mas, pa e empresario cuminsa. Nan kier ta un cambio den e bida di e persona. Y nan lo kier tambe scucha con nan por a haci un diferencia den bida di e persona. Tin ora un persona cu kisas, a caba di perde su trabao, lo por tin un comienso nobo cu ayudo di Qredits y asina haci un berdadero diferencia den e bida di e persona, segun Sr. Elwin Groenevelt, di Qredits Aruba na ocasion di e apertura di nan oficina nobo.