YAKARTA, Indonesia – Un python a traga un homber di 25 aña completo na Indonesia, testigo y medionan local a bisa.
Den un video poni riba e website di Tribun Timur, por a mustra con bisiñanan tabata habri e curpa di e colebra enorme aki y hayando e torso y pianan di e victima, kende tabata yama Akbar, riba e isla di Sulawesi.
Junaedi, alcalde di e aldea Salubiro, den e provincia Sulawesi Occidental, a bisa Associated Press cu e bisiñanan a busca Akbar dialuna anochi, despues di a nota cu e no a bin bek na e campo di azeta di palma, unda e tabata traha desde e dia prome.
Junaedi a bisa diaranson cu nan a haya frutanan di azeta di palma, un cuchiu pa corta trigo y un boet y cerca di dje tabata e colegra, un python di 7 meter di largo.
“Ora cu nos a corta e colegra, prome cos cu nos a mira tabata su boet y su pianan cerca di e cabes,” Junaedi a relata. “Parce cu e colebra a atak’e di patras, pues nos a haya un herida na su lomba.”
Python ta wanta nan prooi cu su djentenan curvea y ta matanan door di asfixianan prome cu traga nan henter. Nan ta prolifera na Indonesia y otro luganan zuidoost Asiatico.
Nan ta hopi inusual e versionnan cu hende ta wordo trata pa python. Usualmente e tipo di colebranan aki ta mata macaco, porco of animalnan semehante.
Junaedi a bisa cu e ausencia di Akbar no a wordo detecta sino te cu dialuna, pasobra su casa tabata bishitante su mayornan den otro provincia. A alerta e habitantenan ora cu e omo a bay cas bishit’e y a haya e cas cera.
Manera hopi otro Indones, Junaedi ta uza solamente un nomber. Mescos cu Akbar.
Fuente: Associated Press