DEN HAARG, Hulanda – “E ta inaceptabel cu e famia real ricibi compensacion for di belasting. Esaki mester para direct,” miembro di Tweede Kamer pa PvdA, Jeroen Recourt a bisa. “Rey mester cuminsa paga belasting bek, mescos cu cualkier otro hende.”
Recourt no tabata sa di e acuerdonan haci den añanan 70 cu e miembronan di cas reak, di cual RTL Nieuws a divulga esaki ayera. “Ora mi a lesa esaki, mi a pensa: con esaki ta posibel?” e Parlamentario a bisa.
Nos hefe di estado mester paga belasting riba e rendimento di su ingreso priva. Pero nan ta wordo compensa financieramente pa esaki, segun un investigacion cu RTL Nieuws a haci. E ta un deal cu ya tin ta andando pa 40 aña y cu a drenta na vigor door di acuerdonan secreto entre miembronan di e Cas Real, minister y funcionarionan halto di Gobierno.
Segun Recourt esaki mester stop mas pronto posibel. Con? “Mester bin un cambio den ley, caminda cu ta regla e compensacion aki.”
Recourt kier finalmente pa Rey paga belasting normal, mirando e situacion di dje, mescos cu cualkier otro ciudadano. “Pesey un cambio den grondwet ta necesario. Pero esey lo bay dura un tiki.” Pero e compensacion pa paga belasting, por wordo para mas prome, si e ta den man di e Parlamentario. “Si tin un mayoria den Tweede Kamer, e ora esaki por tuma luga pa e proximo aña presupuestario.”
Si bin un mayoria den Tweede Kamer, ta keda na PVV. E partido di Geert Wilders den pasado a yega di vota pro pa mas transparencia y costonan mas abao di Cas Real, pero te ainda, no a duna ningun reaccion oficial.
Fuente: RTL Nieuws