Putin a anuncia su candidatura pa presidencia di Rusia pa 2018

0

MOSCU, Rusia- Presidente di Rusia, Vladimir Putin a anuncia cu e lo busca un di cuater mandato den e eleccionnan di otro aña.
Putin a haci e anuncio aki durante un discurso emiti den un fabrica di auto den e ciudad di Nizhny Novgorod, na rand di rieu Volga.
“Mi ta postula mi candidatura pa e cargo di presidente di Federacion Ruso”, el a declara.
Putin ta na poder desde 2000, sea como presidente of como prome minister.
Si e gana e eleccionnan aki na Maart proximo, e lo keda den su cargo te cu 2024.
E periodista di television Ruso Ksenia Sobchak a yega di bisa cu lo postula su mes, pero encuestanan ta mustra cu Putin lo gana facilmente.
E principal lider di oposicion, Alexei Navalny, a wordo formalmente imposibilita pa posutal su mes, ya cu el a wordo haya culpabel di malversacion, cargo cu e ta denuncia cu ta wordo motiva politicamente.
Putin ta goza di un amplio popularidad entre e Rusos, cu ta wak’e como un lider fuerte cu a restaura e categoria di potencia cu un intervencion decisivo den e guera civil di SIria y cu e anexo di Crimea di Ucrania.
Fuente: http://www.bbc.com/mundo

LEAVE A REPLY

Please enter your comment!
Please enter your name here