KUALA LUMPUR, Malasia – E cadaver di Kim Jong-nam, e ruman di e lider Noord Koreano Kim Jong-un, asesina siman pasa den e aeropuerto di Kuala Lumpur, tabata obheto di varios intento di robo, segun hefe di polis, Khalid Abu Bakar, a revela. “Nos sa cu un hende a purba di drenta den e morgue di e hospital. Nos mester a tuma precaucion. Nos no lo permiti pa ningun hende altera e morgue,” e corant local “Malay Mail”, a bisa.
E situacion di e curpa ta importante pa dos motibo: na prome luga, Malasia a nenga di entrega e curpa na e diplomaticonan di Noord Korea na e pais, loke a desata e furia di Pyongyang. E Gobierno Malayo a insisti pa nan sigui nan protocolnan legal, mientras cu e Noord Koreanonan ta acusa nan di convivencia cu nan enemigo, Sur Korea.
Den cualkier caso, autoridadnan di Malasia a ehecuta un autopsia apesar di e protestanan Noord Koreano, cual resultadonan no tabata concluyente. Aunke investigacion a revela ya numeroso detayenan di e operacion di envenenamento, specialmente tras e interogatorio di e detenidonan pa nan presunto participacion den e crimen – dos muhe, un Vietnamita y un Indones y u homber Malayo -, ta desconoce ki tipo di toxina nan a uza.
Un veneno no identifica ainda
Expertonan ta sorprendi cu e hecho cu e muhenan por a spuit riba e cara di Kim Jong-nam cu un cantidad suficiente pa mat’e, pero nan no a resulta afecta. E siman aki, Khalid Abu Bakar a splica cu e muhenan a ricibi instruccion den e maneho di e kimiconan aki. No obstante, mas straño un veneno ta, mas dificil pa identifica e ta den e autopsia.
Di e mesun manera, polis Malayo a acusa e di dos secretario di e Embahada Noord Koreano na Kuala Lumpur, Hyon Kwang Song, door di a participa den e asesinato. Otro compatriota di dje, Kim Uk Il, un trahado di e aerolinea nacional Noord Koreano, a wordo identifica como sospechoso. “Nos a pidi ayudo na e Embahada di Noord Koreano pasobra nos ta kere firmemente cu e dosnan ta sigui den e pais,” Abu Bakar a splica.
Fuente: El Confidencial