DEN HAAG – E drukte di anochi di diamars ta esun di mas druk di aña. Debi na awasero leve, camindanan muha y accidentenan rond di 5’or y mey di atardi, tabata tin un fila di por lo menos 800 kilometer riba camindanan Hulandes, segun ANWB. E record anterior di e aña aki a para riba un drukte parti mainta di dia 23 di Mei, ora cu filanan a wordo nota di 757 kilometer.
En particular direccion Utrecht riba A2 (for di Amsterdam) y A27 (for di Almere), esun di diamars tabata ‘rabia’. Automobilistanan mester tene cuenta cu perdida di un ora. En corto, rond di Amsterdam e drukte a tuma luga pa motibo di accidente. Riba A5 na e punto mixto di Raasdorp, un garoshi di un truck a kentel.
Fuente: ANP