Punaise a wordo tira abao durante evento ciclistico

0

LIMBURG, Hulanda – Durante e evento di ciclismo di Limburg, Mooiste, mester a wordo adapta, pasobra un hende mester a tira punaise riba un parti di e ruta.
Ta trata aki, segun e media regional Omroep L1, di un pida ruta di shete kilometer largo. E organisacion di e evento a bisa na e media cu un ta trata aki “di un luga conoci” cu den añanan anterior, a haya punaise riba caminda. “Pero e aña aki e tabata absurdamente hopi.”

Fromberg
Ta bay aki riba un parti di e ruta den vecindario di Fromberg, un subida conoci cu ta forma parti hopi biaha di varios competencia di ciclismo, manera e Amstel Gold Race. E caminda a wordo haci limpi, acminda cu e coredornan por a sigui cu e ruta normal.
Zuid-Limburg ta un luga gusta pa e coredornan di henter Hulanda pa su varios subidanan. Sigur riba dianan bunita mas durante privamera y zomer, e pueblonan chikito y vecindario ta wordo aglomera pa cientos di ciclista.

Accion di polis
Iritacion entre e habitante y coredornan pa e motibo aki sigur na Limburg ta topico largo di combersacion. Aña pasa ainda polis a cuminda cu controlnan mas intensivo den e provincia riba e gruponan di turista, cu no ta mantene nan mes riba e reglanan.
Fuente: www.rtl.nl