Den varios ocasion nos por a lesa den relatonan policial cu tin autonan sospechoso ta core rond. Esey ta haci cu e miedo pa sikiera sali cana ta halto. No solamente den barionan residencial, pero tambe banda di scolnan.
Esaki ta loke a pasa cu un habitante di un adres den Miraflorstraat, caminda cu el a haya un auto straño para den su garage. Eynan, polis a papia cu e habitante, kende a declara cu ora cu el a yega cas, el a nota un auto preto chikito cu glasnan getint, para den su garage. El a spanta y a sigui core y a yama polis di biaha. Na yegada di polis, ya e auto a bay caba. E habitante S no por a mira e marca ni e modelo di e auto. E datonan a wordo tuma y Central a wordo poni na altura.
Ta pa e motibo aki pueblo mester ta hopi atento esaki y tuma contacto cu polis mesora.