NUUK, Groenland- Un iceberg enorma ta moviendo den direccion di un localidad west di Groenland, cual a obliga e evacuacion parcial di su habitantenan.
E iceberg ta emerge riba e casnan di e pueblo Innaarsuit, di 200 habitante.
Autoridadnan a duna orden di evacuacion di e poblacion cu ta ubica den e parti mas cerca di lama pa evita cu nan a keda afecta pa e olanan cu por keda produci pa e movimento di e iceberg.
“Nos tin miedo di cu’n pida grandi di ijs cay den awa y genera olanan di tamaño grandi cu por causa un daño irreparabel na e localidad”, Susanne Eliassen, un di e lidernan local, a señala den declaracionnan na e corant Sermitsiag.
Autoridadnan a raporta cu e masa di ijs no a move durante e ultimo horanan.
Sin embargo, e riesgo ta keda vigente debi cu e generador di energia electrico y e tankinan di combustibel ta cerca di costa.
Algun experto a adverti cu e pidanan grandi di ijs ta sigui aparece cu mayor frecuencia debi na e cambio climatico. Y esey por afecta e localidadnan costero.
Na Juni, cientificonan di e Universidad di New York a duna di conoce e imagenann di un bloki grandi di ijs cu a los cerca di e costa di Groenland.