BOGOTA, Colombia – Despues di realisa na necropisa riba curpa di e menos Yuliana Samboni, e Instituto di Medicina Legal a sigura dialuna cu nan a haya material genetico di Rafael Uribe Noriega den e curpa di e mucha di 7 aña, segun e director di e institucion, Carlos Valdes, a confirma na CNN en Español.
“Nos a haya cu tin material genetico den e curpa di e menos di shete aña cu ta vincula tanto riba abuso sexual, den violacion, como den e morto di e menor,” Valdes a bisa CNN en Español.
Valdes a sigura cu e examennan di laboratorio ta confirma cu “e relacion cu señor Rafael Uribe tabata tin cu morto y e abuso sexual di e menor.”
Director di Medicina Legal a añadi cu como a haya den eprome hayasgonan, e morto di Yuliana a sosode door di asfixia pa sofocacion y strangulamento y cu e tabata tin “signonan cla di violencia sexual.”
E informacion lo pasa pa man di Fiscalia General di Colombia cu lo procede na evalua y bisa si ta basa den e informacion cu lo acusa Uribe dilanti huesnan di morto di e menor, segun Valdes.
E morto violento di Yuliana Samboni, un mucha muhe indigena di 7 aña, a sosode den un sextor exclusivo di Bogota. E mucha muhe a wordo secuestra e diadomingo anterior den un zona marginal di Bogota y a wordo haya den e apartamento di Uribe, un arkitecto di 38 aña cu ta enfretna cargo di feminicidio agravado, acceso carnal violent, tortura y secuestro simpel. Di ser haya culpabel e lo por enfrenta te cu 60 aña di prizon.
Despues cu e hechonan a sosoden cu ta material di investigacin, e presunto responsabel a wordo translada pa su famia pa dos centro medico, uno psikiatrico y otro cardiovascular, unda cu finalmente a wordo ingresa. Autoridadnan medico ta confirma cu e homber a consumi cocaina y opiaceo.
Uribe Noguera a declara su mes inocente dilanti un hues prome di a wordo manda prizon.
Fuente: NTN24