En cuanto e proyecto di Green Corridor, Ing. Marlon Croes di DOW ta splica cu no ta trata di entrega di un proyecto, sino mas bien un cambio di parti di fase di construccion, operacion y mantencion.
Ainda tin mas trabou pa haci prome cu entrega esaki completamente na Gobierno. E contratista ta bay yega na un fase unda e tin cu termina e fase di construccion p’asina drenta den fase di operacion of mantencion. E fase aki lo cuminsa den curso di e siman aki. A logra identifica 500 punto debil rib’e proyecto. Desde aña pasa y comienso di e aña aki a intensifica e trabounan y asina reduci e 500 puntonan menciona drasticamente te cu 88.
Segun sr. Croes, e contratista lo bay mantene e proyecto p’e proximo 18 añanan. Mantencionnan ta bira pa entre otro pintura, buraconan den caminda, etc. E proyecto ta den su fase di construccion y lo pasa p’e fase di operacion y mantencion y lo bay monitor e p’e proximo 18 aña.