Sr. Andin Bikker a splica cu e tabata 2 siman ausente, uno pa e IPKO y tambe pa un test case. E ta amplia ariba e topico di fast ferry.
Locual ta e IPKO nan a logra pa Aruba ta back on track, pa loke ta participacion di Aruba,den proyecto di Fast Ferry entre islanan ABC. A bin retraso door di un proyecto priva di Venezuela, caminda diripiente a bin cu idea cu lo kier establece un proyecto entre Aruba y Venezuela. Esey no a cay na agrado di e poblacion, door di e situacion na Venezuela.
Door cu esaki no ta bay door mas, por concentra riba ferry entre Aruba, Corsou y Bonaire y a dicidi pa sigui y no warda riba e situacion na Aruba pa loke ta e ferry di Venezuela. Nan ta bezig cu un pilot proyecto entre Bonaire y Corsou y door di mediacion di Andin Bikker, a dicidi di reintegra u e pueblo por vislumbra pruebanan palpable cu lo conoce un servicio di ferry entre Arunba, Bonaire y Corsou cu lo por transporta decenas di auto, truck y personanan.
Tambe lo kier un tratado liber comercio cu Corsou y Bonaire, esaki lo engrandece e mercado manera ta e caso di Europa of Merca. Transporte lo bira mas barata, flete tambe. Personanan of companianan cu ta produci productonan local, tin un mercado mas grandi y nan por parti e gastonan riba nan producto cu ta pone cu e costo di bida lo baha tambe. Pero tambe e lasonan di amistad entre e islanan cu conoce otro, lo ta mas estrecho.
Sr. Andin Bikker ta haya cu esaki ta un logro grandi, cu e proyecto di Fast Ferry, cu a conoce retrasonan pa motibonan fuera di nan control, pero aworaki ta back on track.