Proyecto Cat Lab di Hospital lo yuda den desaroyo di turismo medico

0
RBC Juli 2018
ling and sons porciento
Funmiles-2018

Despues di hopi aña di esfuerso a logra e apertura oficial di e Cat Laboratory su Compleho di Cateterismo den e area di Radiologia, unda finalmente ta posibel haci intervencion cardiologico na Aruba mes. Minister Dangui Oduber di Salud Publico ta elabora ariba e importancia di esaki.

Pais Aruba no tabata tin e specialidad kirurgico aki disponibel, pero awor gobierno lo bay scapa di gastonan grandi riba esaki. Un intervencion medico aki ta pisa hopi riba e presupuesto di AZV pasobra na momento cu un asegurado tin un problema cu curason e ta wordo manda afo, y awo esaki no lo ta e caso mas .

E gasto di AZV pa aña riba 7% e presupuesto. E cifra aki semper lo keda subi, pero den caso aki por mira cu ta bay reduci e gasto y no mester manda pashentnan di curason mas afo. Tin dos 2 specialista local cu ta bay guia e proyecto aki y nan t wordo monitoria pa un specialista internacional cu dos aña di prueba. Despues cu evaluacion lo tuma luga pa wak si por bay cu e maneho riba nos mesun specialista of si ta keda bou asistencia.

Minister ta hopi contento cu e noticia aki, cual ta un logro hopi valioso pa hospital, den cuadro di e proceso di modernisacion pa mehora e cuido den su totalidad y esaki ta e meta proponi pa su persona como Minister di Salubridad.

Esaki ta bayendo den hopi bon direccion y e ta muestra di e compromiso di Gobierno di Aruba cu Hospital y keda inverti den tecnologia nobo pa reduci e gasto y brinda un miho cuido y servicio na nos comunidad.

Pa loke ta turismo medico, e mandatario a splica cu esaki ta fit perfectamente den e cartera di Ministerio di Salud unda nan a pone den nan programa di gobernacion cu ta keda busca y explora e posibilidad pa turismo medico y como kiera cu e compleho di cardiologia aki ta e unico den Caribe y Latinoamerica cu ta cay bou e tecnologia di Siemmens reconoci mundialmente unda cu representantenan grandi di e compania aki tambe a bin na Aruba cu motibo di e gran celebracion aki. Te asina leu, declaracionnan di e minister di Salud, Sr. Dangui Oduber.

Comments

comments

C: Heineken
new india
dvg