Despues di e prome Melting Pot Poetry Night cu a tuma luga dia 16 di October 2016, lo sigui cu un proximo “Melting Pot”..
E di dos Melting Pot Poetry Night lo tuma lugar 7 pm riba diadomingo dia 20 di November 2016.
E lo tuma lugar mesun caminda, dus na e Teresita Center pariba di KFC San Nicolas y net pabou di misa catolico na San Nicolas.
E misa catolico ta tegenover di e pomp station di gasolin, cerca di e warda di polis cu ta keda na e entrada di Promenade.
Entrada ta gratis y vestuario ta casual lo principal ta cu e lo ta un anochi inspirativo unda tur hende lo disfruta di varios poeta cu poesia local y internacional.
Marca dia 20 di November venidero den kalender pa bay 7 pm y apoya nos poetanan local!
E MC lo ta Leonardo Phillips cu ta un hoben multi talentoso y semper sa entretene e publico.
Bin scucha poesia y si bo tin poesia dibo of otro hende, bin comparti esaki sin miedo cu un publico cu ta amante di tur tipo di poesia na Papiamento, Ingles, Hulandes of Spaño.
Tur persona cu tin pregunta por manda un email na [email protected] of bishita nan pagina di Facebook.