WASHINGTON D.C., Merca – Presidente Barack Obama lo ricibi su sucesor, Donald Trump, diahuebs na Cas Blanco, kende, despues di e eleccion diamars, a wordo eligi como presidente, a detona protestanan den varios ciudad na merca y ta sigui pone e cabeynan di tur hende di punta.
E escena tabata pace inimaginabel apenas dos dia pasa, pero e reunion entre Obama y Trump ta wordo programa den e Oval Office pa 11’or di ora local. Despues nan tin planea pa dirigi brevemento na prensa.
“Mi a invit’e pa bin Cas Blanco pa papia di con lo bay sigura un transicion exitoso,” Obama a splica diaranson despues di e sopresiva victoria di Trump riba e democrata Hillary Clinton, kende a duna un enorme sorpresa na Merca y na mundo.
“Nos tur ta desea pa e tin exito pa uni y dirigi e Mericanonan,” el a agrega, sin sconde cu e tin cun’e “divergencianan significativo.”
Di su banda, Michelle Obama, lo bay ricibi e proximo prome dama, Melania Trump, den e residencia di Cas Blanco.
Ainda den un shock tras di e eleccion, miles di Mericano a protesta riba e anochi di diaranson na New York, Los Angeles, Washington, Chicago, Seattle, Portland, Philadelphia, Denver, Phoenix contra di e politica racista, sexista y xenofobo cu, segun nan, Trump ta impulsa.
Na Los Angeles, miles di persona preocupa y rabia a invandi un di e vianan mas importante y a kima un imagen di e cabes di Trump na City Hall. Por lo menos 13 persona a wordo deteni pa polis, segun e corant Los Angeles Times.
“No ta mi presidente”, un centenar di hoben tabata canta rond di un candela.
Mientras cu na New York, polis a detene 15 manifestante, segun e corant New York Times. Cientos di persona cu borchinan cu ta bisa “core cu Trump’, a reuni den Union Square y a marcha pa Trump Tower, residencia di e presidente electo den Fifth Avenue.
Na Washington, centenares di manifestante a haci un vigilia dilanti di Cas Blanco. “Hendenan tin motibo pa sinti miedo,” un di e organisadornan di e protesta, Ben Wikler, director na Washington di e grupo MoveOn.org.
Mayoria di e manifestantenan tabata pacifico, pero na Oakland, na California, e manifestantenan tabata tira boter y piedra riba polis, lagando varios agente herida, segun prensa local.
Fuente: NTN24