MANAGUA, Nicaragua- Gobierno di Nicaragua a denuncia un atake di parti di “grupo di vandalistanan di e derecha golpista” na un caravana sandinista cu tabata riba caminda pa Managua, pa participa den un manifestacion convoca pa gobierno. E atake aki a laga un saldo di 1 persona fayeci y 22 otro heridonan.
Den declaracionnan na medionan oficial, e alcalde di Esteli, Fransisco Valenzuela, el a señala cu e agresion a wordo perpetra cu “piedranan, bomnan casero y armanan di candela”. El a sigura cu e atake aki a laga un persona morto y 22 herida, entre cual tin varios agentenan policial.
Dia 30 di mei tambe, riba Dia di Mama na Nicaragua, ta un dia cu tabata marca pa un manifestacion masivo den apoyo na personanan cu a perde nan yiunan den e hechonan violento cu ta tumando luga na nan pais for di dia 18 di april. E Nicaraguensenan a sali riba caya pa exigi castigo y pa compaña e mamanan di April.
Presidente Daniel Ortega a rindi homenahe na e mamanan Nicaraguense y den su discurso el a boga pa pas y husticia.
Mei mei di e marcha pacifico na Managua tabata tin algun tiro. Segun datonan di La Prensa, al menos un persona a muri y 22 a resulta herdia. Di otro banda, El Nuevo Diario, ta informa di varios morto y heridonan di gravedad. Entrenan tin algun cu herida di bala na cabes.
E comision di berdad, husticia y pas a subi na 85 e cantidad di fayecidonan door di e protestanan. El a raporta di riba 997 herido cu ta data for di e comienso di e manifestacionnan dia 18 di april te cu 28 di mei.