Ayera nochi na Señor Frogs, Daniel Orosco, a presenta y a tuma e decision cu e ta cera Señor Frogs y a saca tur trahado y cliente for di e luga. Awe mainta e trahadonan a presenta pa 8’or y a constata cu tur ekipo, entre otro computer, television, etc. a disparce di e luga y a haya informacion cu Daniel Orosco lo tabata saliendo pa Panama awe merdia pa 1’or. Trahadornan a bay bestuurskantoor pa reuni cu minister di labor, sr. Paul Croes. A reuni cu otro departamentonan tambe pa asina duna keho oficial riba e intencion di e doño di Señor Frogs kende a tuma decision pa cera e luga y baha na awa for di Aruba. Autoridad pa merdia a capta e persona aki na aeropuerto, kende ta keda deteni bao di investigacion di cera e luga y tambe asuntonan cu tin di haber cu Señor Frogs.