Pa hopi tempo, e Motorunit di Cuerpo Policial ta uzando brommernan di Harley Davidson. Pero awo nan ta bezig ta drechando algun di nan, pero esey no ta e manera optimal pa traha. Sr. Andrew Hoo, Alto Comisario di Polis ta splica.
E compania Harley Davidson no ta na Aruba mas y esaki ta e brommernan di Cuerpo Policial. Pronto Cuerpo Policial lo bay haya brommernan nobo. Ya caba nan tin algun quotation di diferente companianan. Y pronto lo por haya aprobacion, pa sigura e continuidad di e Motorunit.
E brommernan di Harley Davidson lo keda wordo uza pa ceremonianan protocolario mas tanto. E motorunit ta un steun importante pa Cuerpo Policial su departamento di Surveillance. Pero pronto Cuerpo Policial su motorunit lo haya brommernan nobo, segun Sr. Andrew Hoo, Alto Comisario di Polis.