Sr. Ryan Oduber di Bibloteca Nacional ta papia riba e biahe pa La Guajira, Colombia den cuadro di intercambio cultural y comercial entre Colombia y Aruba.
Tur e biahenan haci pa La Guajira, Colombia door di Stichting Rancho a wordo bon documenta bou di e capa di Departamento di Cultura, y pronto lo cuminsa haci un edit y pone full e perspectiva di tur e biahenan den otro. Segun Sr. Oduber ya online por mira via website di Fundacion Rancho, Youtube y Facebook biahenan cu a wordo documenta y edita den un forma mas compacto.
Fundacion Rancho ainda ta bezig ta explorando e posibilidadnan, door di papia cu e publico di Aruba y di La Guajira, y unda cu por cierto, na Universidad no tin hopi documentacion. Ora ta trata cu lazonan casi basa riba genetica, riba historia di un pais, of di dos pais, ta papia aki, segun Sr. Oduber di Indjannan Caiquetio, tambe over di e area di waf, e Kapel di ALto Vista camidna e prome Cacique tabata biba. Por ripara cu falta hopi documentacion. Ta haya falta cu ora cu conta storianan, e casi aventuranan historico, casi genetico ta ripara cu esaki ta algo masha importante pa esey bin bek den documentacion y tambe den parti di identidad. Personalmente, Sr. Oduber ta sinti cu falta pa inculca mas tipo di proporcion di identidad den nos hobennan, cu por haci cu nan ta identificanan mes cu e lenguahe, cultura di nos region. Segun Sr. Oduber, ta parce cu na Aruba hendenan ta mas interesa den Europa cu den nos mesun region.
Den tipo di investigacionnan aki, hunto cu otro departamentonan por yega mas cerca di e respuestanan y documentonan necesario. Asina Sr. Ryan Oduber di Biblioteca Nacional a splica.